Երեւանի քրեական դատարանում հինգշաբթի օրի տեղի ունեցավ «7-ի գործով» դատական նիստը, որը 7 ամբաստանյալներից 3-ի շահերը ներկայացնող փաստաբար Հովիկ Արսենյանը պարզապես «ժամավաճառություն» որակեց:

Արսենյանի խոսքով, նիստում կատարվածը էական նշանակություն չունի, քանի որ մարտի 1-ից քրեական դատարանը լուծարվելու է եւ գործը ուղարկվելու է Կենտրոն եւ Նորք-Մարաշ համայնքների դատարան, նոր վարույթ է ընդունվելու եւ ամեն ինչ սկսվելու է նորից:

«Ընդամենը այստեղ զբաղվում են», - «Ազատություն» ռադիոկայանին ասաց փաստաբանը: - «Քանի որ Երեւանի քրեական դատարանը արդեն լուծարվեց, նոր օրենսդրությամբ դա չկա, դատաքննություն դեռ չի սկսվել, ինքը պարտավոր է այդ գործը ուղարկելու Երեւանի Կենտրոն եւ Նորք-Մարաշ համայքների ընդհանուր իրավասության դատարան: Այնպես որ, այստեղ ընդամենը ժամավաճառություն է»:

Երեկվա նիստում դատավոր Մնացական Մարտիրոսյանը կրկին մերժեց պաշտպանական կողմի բազմաթիվ միջնորդությունները դատավորի ինքնաբացարկի վերաբերյալ:

Հովիկ Արսենյանի կարծիքով, դատավորը չի կարող ինքնաբացարկ հայտարարել` եթե նույնիսկ ցանկանա, քանի որ «պարտադրել են [Մնացական Մարտիրոսյանին]»:

Դատական նիստը կշարունակվի այսօր: