Կիրակի օրը կաթվածից մահացել է Հայաստանի վարչապետ Անդրանիկ Մարգարյանը: Նրա առողջական վիճակը ճգնաժամային էր վաղ առավոտից: Անդրանիկ Մարգարյանը մահացել է տանը ժամը 13:20-ին:

Քաղաքային շտապօգնության ծառայության գլխավոր բժիշկ Արտեմ Պետրոսյանը «Ազատություն» ռադիոկայանին ասաց, որ 12:56-ին կանչը ստանալուց հետո վարչապետի բնակարան մեկնել է միանգամից երկու սրտավերակենդանացման բրիգադ. - «Արձանագրվել է սուր սրտային անբավարարություն, սրտի կանգ, կլինիկական մահ»:

Պետրոսյանը հավելեց, որ կատարված սրտավերակենդանացման կոմպլեքս միջոցառումները արդյունք չեն տվել:

56-ամյա Անդրանիկ Մարգարյանը Հայաստանի Հանրապետության վարչապետն էր 2000 թվականի մայիսից: