Հյուսիսատլանտյան դաշինքում Հայաստանի դեսպան Սամվել Մկրտչյանը մարտի 14-ին լրագրողներին ասել է, թե Հայաստանն ու Ադրբեջանը ՆԱՏՕ-ի շրջանակներում արդյունավետ համագործակցության փորձ ունեն: Առաջինը տարածաշրջանային նշանակություն ունեցող գետերի աղտոտվածության մոնիտորինգի ծրագիրն է: Երկրորդը, որ դեռ նոր է սկսվում` տարածաշրջանային սեյսմիկ մոնիտորինգի համակարգի ստեղծումը: Հայաստանը այս ոլորտում մեծ փորձ ունի: