«Մենք շատ անհանգստացած ենք այն հանգամանքով, որ Արման Բաբաջանյանի նկատմամբ
քրեական գործը կարող է կապված լինել նրա լրագրողական գործունեության հետ», - ըստ
տարածած հաղորդագրության, հայտարարել է Լրագրողների պաշտպանության կոմիտեի գործադիր
տնօրեն Ջոել Սիմոնը:

Հունիսի 26-ին Երեւանում ձերբակալվել է «Ժամանակ Երեւան» թերթի գլխավոր խմբագիր
Արման Բաբաջանյանը, որը կասկածվում է զինվորական ծառայությունից խուսափելու մեջ:

Մինչդեռ Լոնդոնում գտնվող Պատերազմի եւ խաղաղության ինստիտուտի աշխատակից Սեդա
Մուրադյանը փաստում է, որ ձերբակալությունը տեղի է ունեցել այն բանից հետո, երբ
թերթը իր հոդվածներից մեկում հարցականի տակ է առել գլխավոր դատախազի անկախությունը:

«Կոչ ենք անում Հայաստանի իշխանություններին ազատ արձակել Բաբաջանյանին մինչեւ
դատավարությունը եւ հրապարակել նրա վերաբերյալ նյութերը»,- հայտարարել է Ջոել
Սիմոնը:

«Իշխանությունները Բաբաջանյանի հետ վարվում են իբրեւ վտանգավոր հանցագործի»,- ասել
է Սեդա Մուրադյանը: