Դեկտեմբերի 27 Հայաստանի մանկական ստեղծագործության թանգարանում (Երեւան, Աբովյան 13) բացվեց «Առօրյա հրաշքներ կամ սովորականը երեխաների աչքերով»
լուսանկարների ցուցահանդեսը։

Ցուցահանդեսում ներկայացված լուսանկարների հեղինակները՝ Ճամբարակ, Վահան, Բերդ և
Վերին Կարմիր Աղբյուր համայնքների դպրոցականներն են:



«Քաղաքացիական Հասարակության Ցանց» ծրագրի շրջանակներում այդ համայնքներում
լուսանկարիչ Միքայել Պողոսյանի գլխավորությամբ անց են կացվել լուսանկարչական
վարպետության 4-օրյա դասընթացներ: Դասընթացների նպատակն էր բարձրացնել երեխաների
հետաքրքրությունը դեպի հարազատ վայրերը, սովորեցնել իրենց բացահայտել և տեսնել
գեղեցիկը իրենց շուրջը: Պարապմունքների ժամանակ երեխաները հաղորդակցվեցին ֆոտոյի

գրավիչ աշխարհին, ծանոթացան լուսանկարման հիմունքներին, ձեռք բերեցին տարրական
լոսանկարչական հմտություններ: Մասնակիցների առաջին իսկ փորձերը գերազանցեցին
կազմակերպիչների սպասումները՝ չնայած ուսուցման կարճ ժամկետին և ֆոտոխցիկների ցածր
որակին, երեխաները զարմացրին աշխարհընկալման յուրօրինակությամբ:

Արհեստավարժ ժյուրին բարձր գնահատեց երեխաների գործերը, որոնցից չորսը արժանացան
մրցանակների:



Ժյուրիի կազմում էին՝



Ալբերտ Բաբելյանը

Արփինե Գրիգորյանը

Ռուբեն Մանգասարյանը

Գենոֆիա Մարտիրոսյանը

Միքայել Վիրաբյանը

Վահան Քոչարը

Ցուցահանդեսը կաշխատի մինչեւ հունվարի 10–ը։

Հետագայում ցուցահանդեսը կներկայացվի նաև Տավուշի և Գեղարքունիկի մարզերում:

«Քաղաքացիական Հասարակության Ցանց» ծրագիրը իրականացնում է

«Քաղաքացիական հասարակության ինստիտուտ» հասարական կազմակերպությունը`


«Քաղաքացիական նախաձեռնությունների ազատ ամբիոն», «Համագործակցություն հանուն
ժողովրդավարության» Կենտրոն

և «Հելսինկյան քաղաքացիական ասամբլեայի Հայաստանի կոմիտե»

ՀԿ-ների հետ համատեղ:

Ծրագիրը ուղղված է քաղաքացիական մասնակցության ակտիվացմանը և քաղաքացիական
հասարակության զարգացմանը:



Ծրագիրը իրականացվում է ԱՄՆ միջազգային զարգացման գործակալության (USAID)
ֆինանսական աջակցությամբ։



Քաղաքացիական հասարակության ինստիտուտ

Վաղարշյան 24, բն. 86, 375012 Երեւան, Հայաստան

Հեռախոս +37410 27 20 14

Էլ. փոստ՝ csi@csi.am

Ինտերնետային էջ՝ www.csi.am , www.hra.am