Խորհրդարանում ՀՀԿ խմբակցության ղեկավար Գալուստ Սահակյանը, մեկնաբանելով ՀՀԿ խորհրդի նախագահ, կուսակցության նախագահի պաշտոնակատար Սերժ Սարգսյանի օրերս արած հայտարարությունը, թե մարդկանց սոցիալական ապահովությունն առաջնային է, քան մարդու իրավունքը, հայտնել է Սերժ Սարգսյանի հետ իր համաձայնությունը, ասելով, որ մարդու իրավունքի պաշտպանությունը մարդու խնդիրն է, որ մարդը պետք է ունենա իր իրավունքին հետամուտ լինելու համարձակություն: Իսկ համարձակ է սոցիալապես պաշտպանված մարդը, կարծում է ՀՀԿ խմբակցության ղեկավար Գալուստ Սահակյանը: Աղքատությունն, ըստ նրա, վախկոտություն է, չարիք: Մարդը պետք է հոգացած լինի իր սոցիալական խնդիրները, որ մտածի իրավունքի մասին, ասել է Գալուստ Սահակյանը: