Ռոբերտ Քոչարյանը դեկտեմբերի 26-ին հրամանագիր է ստորագրել 2007 թվականի պետական
մրցանակներ շնորհելու մասին: Ըստ նախագահի մամուլի գրասենյակի տարածած տեղեկության.


2007 թվականի պետական մրցանակ է շնորհվել`

1. գրականության եւ հրապարակախոսության ոլորտում` Դավիթ ՀՈՎՀԱՆՆԵՍԻՆ, «Նոր
   քրոնիկոն» գրքի համար.
2. երաժշտության ոլորտում` Ռուբեն ՍԱՐԳՍՅԱՆԻՆ, «Ինչ որ մնաց», «Դեր Զորը վերապրածի
   խոստովանանքը», «Ի շրջանս յուր», «Պատարագ ուրվականի համար» նվագախմբային
   ստեղծագործությունների շարքի համար.
3. կերպարվեստի ոլորտում` Փարավոն ՄԻՐԶՈՅԱՆԻՆ, գեղանկարչական շարքի (Հայաստանին
   նվիրված բնանկարներ, դիմանկարներ, նատյուրմորտներ, ֆիգուրատիվ ազատ հորինվածքներ)
   համար.
4. ճարտարապետության եւ քաղաքաշինության ոլորտում` Ջիմ ԹՈՐՈՍՅԱՆԻՆ (ճարտարապետ),
   Ռոլանդ ՄԱՐՏԻՐՈՍՅԱՆԻՆ (ճարտարապետ), Հենզել ՀԱԿՈԲՅԱՆԻՆ (ճարտարագետ), Գագիկ
   ԳԱԼՍՏՅԱՆԻՆ («Հորիզոն 95» շինարարական կազմակերպության տնօրեն), Արծրուն ՍԵՐԳՈՅԱՆԻՆ
   («Հորիզոն 95» շինարարական կազմակերպության տեղամասի պետ), Երեւանի քաղաքապետարանի
   շենքի համար: