ՀՀ նախագահի նախկին թեկնածու Արման Մելիքյանը եւ ելսիկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը այսօր տարածած հայտարարությամբ պարզաբանել են, որ ՀՀ նախագահի խորհրդական Գառնիկ Իսագուլյանը իրականությանը չհամապատասխող հայտարարություններ է արել։

Արման Մելիքյանը նշել է. «Ս/թ մայիսի 30-ին ՀՀ Նախագահի խորհրդական Գառնիկ Իսագուլյանը ԶԼՄ-ների ներկայացուցիչների հետ ունեցած իր հանդիպման ժամանակ հայտարարել է, թե անձամբ դիմել է մի շարք քաղաքական ուժերի և գործիչների, այդ թվում նաև նախագահի նախկին բոլոր թեկնածուներին հանրային պալատի աշխատանքներին մասնակցելու առաջարկով: Այս տեղեկատվությունը որոշակի հարցեր է առաջացրել իմ ընտրողների և հակախոհների շրջանում, ուստի ստիպված եմ հայտարերել, որ այն` իմ մասով չի համապատասխանում իրականությանը. ո’չ բանավոր, ո’չ գրավոր տեսքով ես պարոն Իսագուլյանից որևէ առաջարկ չեմ ստացել: Կատարվածը համարում եմ անփութության արդյունք, որը, սակայն, դժվար թե նպաստի հանրային պալատ ստեղծելու նախաձեռնության հաջողությանը»:

Իսկ Հելսիկյան քաղաքացիական ասամբլեայի Վանաձորի գրասենյակի ղեկավար Արթուր Սաքունցը մեզ տեղեկացրեց, որ իրենք մերժել են Գառնիկ Իսագուլյանի առաջարկը։ «Գառնիկ Իսագուլյանի հայտարարությունը, թե իրեն մերժել է միայն Լեւոն Տեր–Պետրոսյանը, իրականությանը չի համապատասխանում», հայտարարեց Արթուր Սաքունցը։