Ուգանդայի Էթիկայի նախարար Նսաբա Բուտուրոն նոր հրաման է արձակել, ըստ որի` կանանց արգելվում է կարճ կիսաշրջազգեստներ կրել փողոցում, քանի որ դրանք շեղում են վարորդների ուշադրությունը եւ ավելացնում ավտոճանապարհային պատահարների թիվը։

Նախարարը հայտարարել է, որ կարճ կիսաշրջազգեստ կրելը հավասար է փողոցում մերկ զբոսնելուն։ «Տղամարդկանց որոշ մասը թուլություն ունի կանացի գեղեցիկ ոտքերի նկատմամբ, իսկ դա հղի է անցանկալի հետևանքներով»,- ասել է նախարարը, ում նոր հրամանը, տեղացիների կարծիքով, միանգամայն զավեշտալի է։ Նախարարը նաև ասել է, որ նման հագուկապը պետք է պատժվի օրենքով։ Ուգանդացի կանայք արդեն բողոքի ալիք են բարձրացրել նոր հրամանի կապակցությամբ։