Մարդու իրավունքների օրվա կապակցությամբ դատավորներ Ռուզաննա Բարսեղյանը, Հովսեփ Բեդևյանը  և  Մարինե Մելքոնյանը ԱՄՆ-ի դեսպանության կողմից ստացան Ազատության պաշտպանի մրցանակ:

Ազատության պաշտպանի մրցանակը շնորհվում է այն անհատներին  և  հասարակական կազմակերպություններին, որոնք, բախվելով լուրջ մարտահրավերների, կարողանում են հանդես բերել բացառիկ խիզախություն  և  վճռականություն՝ ի պաշտպանություն մարդու իրավունքների, ժողովրդավարության  և  սոցիալական արդարության:

Արագածոտնի մարզի ընդհանուր իրավասության առաջին ատյանի դատարանի դատավոր Ռուզաննա Բարսեղյանին, Վարչական վերաքննիչ դատարանի դատավոր Հովսեփ Բեդևյանին  և  Լոռու մարզի ընդհանուր իրավասության առաջին ատյանի դատարանի դատավոր Մարինե Մելքոնյանին Ազատության պաշտպանի մրցանակ է շնորհվել իրավունքի կարևորագույն սկզբունքներին հետևելու, իրավապահ  և  պետական այլ մարմիններին ամենաբարձր չափորոշիչներ առաջադրելու  և  դատական անկախություն հանդես բերելու համար՝ ի նպաստ ՀՀ քաղաքացիների իրավունքների պաշտպանության:

Հիշեցնենք, որ 2008 թվականին Ազատության պաշտպանի մրցանակ է ստացել Հայաստանի Հելսինկյան ասոցիցիայի նախագահ Միքայել Դանիելյանը, իսկ 2009-ին՝ «Հետք» ինտերնետային թերթի խմբագիր Էդիկ Բաղդասարյանը:

Աննա Բարսեղյան

Աղբյուր՝ www.hra.am