Այսօր՝ հունվարի 13-ին լրանում է Ադրբեջանի մայրաքաղաք Բաքվում կազմակերպված հայկական ջարդերի 20 տարին։ 1990-ին տեղի ունեցած դեպքերի մեղավորները մինչև օրս չեն պատժվել, մինչև օրս հայտնի չէ նաև այդ օրերին զոհվածների իրական թիվը։ Ակներև է, որ այդ թիվը գերազանցում է պաշտոնական տվյալները։ Հայաստանի միգրացիոն գործակալության և ՄԱԿ-ի տվյալներով Ադրբեջանից Հայաստան է ներգաղթել շուրջ 418000 հայ։ Նրանցից 300000-ը շարունակում է ապրել Հայաստանում ։