ՀՀ ԱԳՆ մամուլի եւ տեղեկատվության վարչության լրատվամիջոցների հետ կապի բաժնի վարիչ Տիգրան Բալայանի պատասխանը այսպես մեկնաբանեց մի քանի օր առաջ ԱՄՆ պետքարտուղարության կողմից հրապարակած մարդու իրավունքների վերաբերյալ տարեկան զեկույցը, որը քննադատություն է պարունակում Հայաստանում մարդու իրավունքների պաշտպանության վերաբերյալ՝ «Զեկույցը պարունակում է որոշակի արդարացված քննադատություն, սակայն ակնառու է նաեւ միակողմանի աղբյուրների վրա հիմնված եզրակացությունների առկայությունը, ինչը նկատի չի առնում գործընթացների զարգացման համեմատական դինամիկան եւ արձանագրված դրական միտումները:
Մենք բազմիցս նշել ենք, որ անկախ զեկույցներից եւ դրանց բովանդակությունից Հայաստանի իշխանությունները վճռական են շարունակելու ժողովրդավարական բարեփոխումների գործընթացը, քանզի դա մեր ժողովրդի գիտակցված ընտրությունն է:»