Այսօր Երեւանի Կենտրոն եւ Նորք Մարաշ համայնքների առաջին ատյանի դատարանի դատավոր Ռ. Ներսիսյանը դռնփակ դատական նիստի ժամանակ որոշում կայացրեց ՀՀ նախկին արտգործնախարար Ալեքսանդր Արզումանյանի կալանքը եւս երկու ամսով երկարաձգելու մասին: Դատարանը բավարարեց Ազգային Անվտանգության ծառայության քննչական վարչության պետի տեղակալ Ա. Տոնոյանի միջնորդությունը եւ, «մեղադրյալը կարող է խոչընդոտել միջդատական վարույթում գտնվող գործի քննությանը, թաքնվել քրեական վարույթն իրականացնող մարմնից, նախաքննությանը մասնակցող մարդկանց վրա անօրինական ազդեցություն գործադրել, կատարել օրենքով արգելված արարքներ»: