Հայաստանն առանց ծխախոտի դաշինք

Coalition For Tobacco Free Armenia

ՄԱՄԼՈ ՀԱՂՈՐԴԱԳՐՈՒԹՅՈՒՆ

7 հունիսի, 2007

«Հայաստանն առանց ծխախոտի» հասարակական դաշինքը` իր 28 անդամ կազմակերպութունների
կողմից ուղերձ է ուղղել այսօր առաջին նիստին հավաքված ՀՀ չորրորդ գումարման ՀՀ ԱԺ
պատգամավորներին:

Իրենց ուղերձում Դաշինքի անդամները հույս են հայտնում, որ նորընտիր պատգամավորական
կազմը կանի առավելագույնը ունենալու հզոր, անկախ, և ծաղկուն հայրենիք, հայրենիք,
որը հնարավոր է կառուցել միայն առողջ ոգով և մարմնով:

Դաշինքը կոչ է անում միացյալ ուժերով կյանքի կոչելու Առողջապահության համաշխարհային
կազմակերպության (ԱՀԿ) ծխախոտի դեմ պայքարի մասին Շրջանակային կոնվենցիայի
դրույթները, մասնավորապես`

• Պաշտպանել յուրաքանչուր քաղաքացու առողջ միջավայրի իրավունքը` բոլոր փակ
  հասարակական վայրերն ու աշխատատեղերը դարձնելով 100% ազատ ծխախոտի ծխից;
• Իրականացնել ծխախոտային արտադրատեսակների նկատմամբ արդյունավետ գնային և հարկային
  քաղաքականություն՝ բարձրացնելով ծխախոտի հարկերը, այդպիսով խթանելով հատկապես
  երիտասարդության շրջանում ծխախոտի օգտագործման նվազեցմանը և ապահովելով պետական
  բյուջեի եկամուտների էական ավելացում;
• Արգելել ծխախոտի գովազդի, վաճառքի խթանման և հովանավորության բոլոր ձևերը, քանի
  որ միայն լիակատար արգելումը կհանգեցնի ծխախոտի օգտագործման նվազեցմանը:

Հայաստանը պաշտոնապես միացել է ԱՀԿ ծխախոտի դեմ պայքարի մասին
Շրջանակային կոնվենցիային 2004թ. նոյեմբերի 29-ին ՀՀ նախագահ Քոչարյանի կողմից
համաշխարհային հակածխախոտային պայմանագիրը ստորագրելուց և ՀՀ ԱԺ կողմից նույն
թվականի հոկտեմբերի 12-ին վավերացնելուց հետո:

ՏԵՂԵԿԱՆՔ. «Հայաստանն առանց ծխախոտի» հասարակական դաշինքը ստեղծվել է երկու տարի
առաջ` 2004թ. հունիսի 11-ին, տասներկու հիմնադիր ՀԿ-ների կողմից և այսօր միավորում
է 28 անդամ կազմակերպություններ: Լրացուցիչ տեղեկությունների համար` Նարինե
Մովսիսյան, Դաշինքի կոորդինատոր, 51 26 17, nmovsesi@aua.am