Հայաստանի Կրթության եւ գիտության փոխնախարար Բագրատ Եսայանը հայտնել է, թե 2007-ին հայոց լեզու եւ գրականություն առարկայից միասնական պետական քննություն կհանձնեն 55 հազար դպրոցականներ: Քննությունը կանցնի հունիսի 1-20-ը: Այն կունենա երկու մակարդակ` նրանց համար, ովքեր ցանկություն չունեն բուհ դիմելու, եւ առավել բարդ` բուհի դիմորդների համար: Առաջինը կանցնի դպրոցներում, երկրորդը` կենտրոնացված համակարգով: