2006 թվականի դեկտեմբերին Հայաստանի զինված ուժերին գերի հանձնված ադրբեջանցի զինծառայող Սամիր Մամեդովը Հայաստանի օմբուդսմենի գրասենյակին հայտնել է, թե չի դժգոհում Հայաստանում իր հանդեպ վերաբերմունքից եւ նաեւ ցանկություն չունի վերադառնալ Ադրբեջան: Այդ մասին տեղեկացնում է օմբուդսմենի մամուլի գրասենյակը: Մամեդովը գտնվում է Կենտրոն քրեակատարողական հիմնարկում: Օրերս նա նամակ է ստացել Բաքվից, որն իբր նրա ծնողների գրածն է, ովքեր խնդրում են Մամեդովին վերադառնալ Ադրբեջան: Սակայն ադրբեջանցի զինծառայողը վախենում է հատուցումից եւ չի ուզում նույնիսկ մեկնել երրորդ երկիր, այլ ցանկանում է ապրել ու աշխատել Հայաստանում: