44-ամյա տղամարդը ինքնահրկիզվել է Հանրապետության հրապարակում

Այսօր առավոտյան Երեւանի Հանրապետության հրապարակում ինքնահրկիզվել է Արմավիրի մարզի Դալարիկ գյուղի 44-ամյա բնակիչ Ջիվան Հակոբյանը:

Հակոբյանը իր վրա բենզին է լցրել եւ այրել: Մինչ օգնության տեղ հասնելը նա, բժիշկների վկայությամբ, խորը՝ 80-տոկոսանոց, կյանքի հետ անհամատեղելի այրվածքներ է ստացել:

Ջիվան Հակոբյանը տեղափոխվել է Երեւանի «Արմենիա» բժշկական կենտրոնի այրվածքաբանության բաժանմունքի վերակենդանացման բաժին:

Ներկայումս Հակոբյանի վիճակը ծանր է: Անզգայացնող դեղերի ներարկումից հետո նա անգիտակից վիճակում է:

Կատարվածի պատճառները ճշտվում են:

Իրինա Հովհաննիսյան

Source Url: