«Հայկական հաբիթաթի» գործունեության արդյունքում արդեն 275 ընտանիք ապահովվել է սեփական բնակարանով: 2007 թվականին բնակարան կստանա եւս 37 ընտանիք: Այս անգամ բնակարանամուտ կտոնեն Խոր-Վիրապ, Մարմարաշեն, Նորաբաց, Խաչիկ, Շատին, Մարգահովիտ եւ Շահումյան գյուղերի ընտանիքները: Ծրագիրը իրականացվում է Ամենայն հայոց կաթողիկոս Գարեգին Բ-ի մասնակցությամբ: Իսկ շինարարության մաս են կազմում նաեւ ողջ աշխարհից եկած հայ կամավորականները:

Այսօր Հայաստանում մոտ 40 000 ընտանիք ապրում է անբարենպաստ բնակարանային պայմաններում: