Ստեղծվել է Սեֆիլյանի եւ Մալխասյանի ձերբակալության պատճառները հետաքննող պատգամավորական խումբ

Ստեղծվել է Ժիրայր Սեֆ‎իլյանի եւ Վարդան Մալխասյանի ձերբակալության իրական
պատճառները հետաքննող պատգամավորական խումբ:



Լիբանանի քաղաքացի Ժիրայր Սեֆիլյանը եւ Հայաստանի քաղաքացի Վարդան Մալխասյանը
ձերբակալվել էին դեկտեմբերի 10-ին, նրանց դեմ հարուցված է քրեական գործ Քրեական
օրենսգրքի 301 հոդվածի («ՀՀ Սահմանադրական կարգը բռնության փոփոխելուն ուղղված
հրապարակային կոչեր») հատկանիշներով:



Ինչպես իրենց տարածած հայտարարությունում նշում են պատգամավորները, խմբի նպատակն է
բազմակողմանիորեն ուսումնասիրել խնդիրը, պարզաբանումներ ստանալ համապատասխան
մարմիններից, բացահայտել ձերբակալությունների իրական պատճառները եւ ներկայացնել
դրանք հանրությանը:



«Հայ կամավորականների համախմբման» հավաքում իրենց արտասանած ելույթների համար
ժիրայր Սե‎ֆ‎իլյանի եւ Վարդան Մալխասյանի ձերբակալությունը ծնում է բազմաթիվ
հարցականներ», - ասված է հայտարարությունում: - «Հատուկ մտահոգության պատճառ են
հանդիսանում Ազգային անվտանգության ծառայության մեկնաբանությունները եւ
ձեւակերպումները, որոնցով փորձ է արվում իշխող վարչակարգի դեմ հնչած
արտահայտությունները ներկայացնել որպես սահմանադրական կարգը բռնությամբ տապալելու
կոչեր»:



Հայտարարությունը ստորագրած Մանուկ Գասպարյանը, Արամ Գ. Սարգսյանը, Գրիգոր
Հարությունյանը, Ստեփան Զաքարյանը, Հմայակ Հովհաննիսյանը եւ Էդմունդ Ծատուրյանը
գտնում են, որ Սեֆիլյանի եւ Մալխասյանի ձերբակալությունը վերածվում է ազգային
անվտանգության հարցի՝ «հաշվի առնելով նրանց քաղաքացիական դիրքորոշումները
առաջնահերթ կարեւորություն ներկայացնող արտաքին եւ ներքին քաղաքական խնդիրների
վերաբերյալ` նախընտրական շրջանում, ինչպես նաեւ Ղարաբաղյան կարգավորման
համատեքստում»:

Source Url: 
http://www.armenialiberty.org/armeniareport/report/ar/2006/12/B27A6A8E-72B9-422D…