Հելսինկյան Քաղաքացիական Ասամբլեայի Վանաձորի գրասենյակի կողմից իրականացված
դիտարկումները 2005թ. նոյեմբերի 27-ին կայացած սահմանադրական փոփոխությունների
հանրաքվեի քվեարկության օրը Վանաձոր քաղաքի տարածքում ցույց են տալիս հետևյալը.

Սահմանադրական փոփոխությունների հանրաքվեի արդյունքները Վանաձոր քաղաքում
կեղծված են և չեն համապատասխանում ազատ և արդար ընտրությունների չափանիշներին:

Մեր դիտարկած բոլոր տեղամասերում տեղի են ունեցել մասսայական խախտման հետևյալ
դեպքերը.

1. ընտրողների նույն խմբի կողմից մի քանի տեղամասերում քվեարկություն,
2. Հայաստանից բացակայող ընտրողների փոխարեն քվեարկություն,
3. Տեղական ինքնակառավարման և պետական կառավարման մարմինների ներկայացուցիչների
   աշխատակիցների կողմից ընտրողների հոսքի կազմակերպում տրանսպորտային միջոցներով
   ընտրական տեղամասեր,
4. դիտորդների և լրատվական միջոցների գործունեության խոչընդոտում հանձնաժողովների
   կողմից սպառնալիքների, վիճաբանություննների, ճնշումների, ահաբեկումների միջոցով,
5. քվեատուփերում քվեաթերթիկների մասսայական լցոնումներ /առանձին տեղամասերում մեկ
   ընտրողի քվեարկության միջին ժամանակը կազմել է 10 վայրկյան/

Վերը նշված խախտումները վկայում են, որ ոչ լեգիտիմ իշխանությունները խորհրդային
մեթոդներով իրականացրեցին հանրաքվեի արդյունքների կեղծում քաղաքացիների մասսայական
բոյկոտի պայմաններում:

2005 թվականի նոյեմբերի 27-ին ՀՀ Սահմանադրության հանրաքվեի ժամանակ ՀՔԱ Վանաձորի
գրասենյակը ուսումնասիրություններ է իրականացրել Վանաձոր քաղաքում և արձանագրել
 հետևյալ
փաստերը: