Ստրասբուրգ, 22.11.2005թ.

Եվրոպայի խորհրդի Խորհրդարանական վեհաժողովի նախագահ Ռենե վան դեր Լինդենը կոչ է արել Հայաստանի քաղաքացիներին մասնակցել նոյեմբերի 27-ին կայանալիք սահմանադրական հանրաքվեին։

«Սահմանադրական փոփոխությունները խոշոր քաղաքական իրադարձություն է, որը կներազդի Հայաստանի բոլոր քաղաքացիների առօրյա կյանքին։ Հետևաբար կարևոր է, որ բոլորն արտահայտեն իրնեց կարծիքը», նշել է նա։

«Ցածր մասնակցության պատճառով այս հանրաքվեի տապալումը՝ 2003 թ.–ի մայիսի 25-ին առաջին սահմանադրական հանրաքվեի ժամանակ տեղի ունեցածի կրկնությունը, մեծ խոչընդոտ կհանդիսանա Հայաստանի՝ Եվրոպայի խորհրդին միանալիս ստանձնած ամենակարևոր պարտավորությունների իրականացման ճանապարհին», եզրափակել է նախագահը։

«Սա Հայաստանի քաղաքացիների հնարավորությունն է ցուցադրել իրենց նվիրվածությունը Եվրոպային»։

Եվրոպայի խորհրդի երկու կառույցները՝ Խորհրդարանական վեհաժողովն ու Տեղական և տարածքային իշխանությունների կոնգրեսը, դիտորդական առաքելություն կիրականցնեն հանրաքվեի ընթացքում։

Սահմանադրական բարեփոխումների վերաբերյալ իր եզրակացությունն է տվել նաև Եվրոպայի խորհրդի սահմանադրական իրավունքի փորձագետների խումբը՝ Վենետիկի հանձնաժողովը։

Լրացուցիչ տեղեկությունների համար դիմել ԵԽԽՎ Տեղեկատվության բաժին.

Հեռ.՝ +33(0)3 88 41 31 93 , ֆաքս՝+33(0)3 88 21 41 34