Վերջին մի քանի տարիների ընթացքում Կոմիտասի անվան կամերային երաժշտության տանը կից
կանաչ տարածքների հաշվին մեծ թափով կառուցվում են զվարճանքի օբյեկտներ, որոնց
առաջացրած աղմուկը խիստ խանգարում է կամերային երաժշտության տան նորմալ
գործունեությանը:

ՀՀ Մարդու իրավունքների պաշտպանը, ընդունելով մշակութային իրավունքների
կարևորագույն դերը իրավական պետության և քաղաքացիական հասարակության մեջ, հայտնում
է իր մտահոգությունը հասարակական հնչեղություն ստացած այդ հարցի վերաբերյալ:

Այդ կապակցությամբ Պաշտպանը դիմում է բոլոր իրավասու պետական մարմիններին և
պաշտոնատար անձանց` կասեցնել ընթացող շինարարական աշխատանքները, օրենքով նախատեսված
բոլոր միջոցներով բացառել այդպիսի երևույթները և ապահովել «Մշակութային և բնության
համաշխարհային ժառանգության պաշտպանության մասին» կոնվենցիայով /1993թ. դեկտեմբերի
5/ և «Տնտեսական, սոցիալական և մշակութային իրավունքների մասին» միջազգային
դաշնագրով /1993թ. դեկտեմբերի 13/ ստանձնած պարտավորությունների կատարումը:

21.10.05