Զոհված ազատամարտիների ընտանիքներին բնակարանով ապահովելու հարցը կլուծվի երկու-երեք տարվա ընթացքում, նախօրեին այս տարի ԼՂՀ կառավարության առաջին նիստի ժամանակ հայտարարել է ԼՂՀ վարչապետ Արա Հարությունյանը:

Նրա խոսքերով՝ լիազոր մարմինները պետք է վերջին ճշտումները կատարեն համապատասխան ցուցակներում:

«Նշված ժամանակահատվածում կավարտվի նաև դպրոցաշինության ծրագիրը, ինչից հետո պետությունը առաջնահերթ կարգով կանցնի նախադպրոցական հաստատությունների, մարզադահլիճների, մշակույթի տների և երկրորդ պլանում մնացած այլ օբյեկտների շինարարությանը», - նշել է Հարությունյանը:

ԼՂՀ կառավարության ղեկավարն ընդգծել է, որ հատուկ ուշադրության կարժանանա շինարարության որակը, աշխատանքների իրագործման ժամկետների պահպանումը:

Աղբյուր' www.ar.newsarmenia.ru